Azerbaýjan Respublikasynyň Aşgabatdaky ilçihanasy tarapyndan mukaddes Remezan aýynyň şanyna “Ýyldyz” myhmanhanasynda iftar agşamlygy gurnaldy. Çäräniň myhmanlaryny kabul eden Azerbaýjanyň Türkmenistandaky Adatdan daşary we Doly ygtyýarly ilçisi Gismet Gezalow myhmanlary mähirli garşylap, olaryň Remezan aýyny gutlady we bu mukaddes aýyň musulman dünýäsinde agzybirligiň, ýagşylygyň we rehimdarlygyň nyşanydygyny nygtady.
Bu iftar agşamlygyna Türkmenistanyň Baş müftüsi Ýalkap Hojaogulyýew, şeýle hem Türkmenistanda akkreditirlenen musulman ýurtlarynyň ilçileri we olaryň maşgalalary gatnaşdy.
