Şu ýylyň 13 — 15-nji iýunynda Italiýanyň Rim şäherinde jiu-jitsu boýunça Ortaýer deňziniň açyk gran-pri ýaryşy geçirildi. Oňa ýurdumyzyň türgenleri hem gatnaşyp, özleriniň üstünlikli çykyşlary bilen 10 altyn, 8 kümüş, 7 bürünç, jemi 25 medal gazandylar.
Türkmen türgenleri — Türkmenistanyň Içeri işler ministrliginiň Mälikguly Berdimuhamedow adyndaky 1001-nji harby bölüminiň çagyryş boýunça harby gullukçysy Baýram Röwşenow, çagyryş boýunça harby gullukçy Eziz Ýollyýew, Lebap welaýatynyň Polisiýa müdirliginiň işgäri Rahmet Taganow, Türkmen döwlet maliýe institutynyň we Türkmen döwlet binagärlik-gurluşyk institutynyň talyplary Begli Saparow, Şyhberdi Rahmanow hem-de Parahat Rahmanow, Türkmen döwlet bedenterbiýe we sport institutynyň talyplary Aýnur Kullyýewa, Yslam Öwezow, Aşgabat şäherindäki 5-nji orta mekdebiň okuwçysy Alyşir Jumamyradow ýaryşda has-da tapawutlanyp, altyn medallara mynasyp boldular.
Italiýanyň paýtagtynda geçirilen açyk gran-pri ýaryşyna dünýäniň 23 ýurdundan 840 türgen gatnaşdy.
«THE ASHGABAT TIMES».
