Dark
Light
17.11.2026
bitara kita THE ASHGABAT TIMES

Türkmen Bitaraplygynyň beýik taglymaty

18.12.2025

Häzirki wagtda deňhukuklylyk, özara düşünişmek, hoşniýetlilik we oňyn Bitaraplyk ýörelgelerine esaslanýan ýurdumyzyň daşary syýasy strategiýasy dünýä jemgyýetçiliginde giň goldawa eýe bolýar. Şunda hemişelik Bitaraplygymyzyň Birleşen Milletler Guramasynyň Baş Assambleýasynyň Kararnamalary bilen üç gezek ykrar edilmegi ata Watanymyzyň halkara abraýyny has-da belende göterýär. Şunuň bilen baglylykda, ýakynda hormatly Prezidentimiziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly täze kitabynyň halkymyza gowuşmagy hemişelik Bitaraplygymyzyň şanly 30 ýyllygyna özboluşly baýramçylyk sowgady boldy.

Pähim-paýhasa ýugrulan «Türkmenistanyň Bitaraplygy — parahatçylygyň we ynanyşmagyň aýdyň ýoly» atly täze kitap berkarar döwletimiziň hemişelik Bitaraplyk hukuk derejesine laýyklykda alyp barýan içeri we daşary syýasatyny, dünýä döwletleri we halkara guramalar bilen hoşniýetli hyzmatdaşlygy, dünýäde ählumumy parahatçylygy we durnukly ösüşi üpjün etmäge gönükdirilen işjeň tagallalary giňden wagyz etmekde, ýaş nesillerimizi agzybirlik, watançylyk, ynsanperwerlik ruhunda terbiýelemekde möhüm ähmiýete eýedir. Arkadagly Gahryman Serdarymyzyň bu kitabynda hemişelik Bitaraplygymyzyň taryhy ähmiýeti, ata Watanymyzyň halkara abraýy, türkmen halkynyň agzybirlik, dost-doganlyk, parahatçylyk söýüjilik ýörelgeleri, milli gymmatlyklary, ýaşaýyş medeniýeti hakynda giňişleýin söhbet edilýär.

Arkadagly Gahryman Serdarymyz täze kitabynda: «Halkara parahatçylygyň we howpsuzlygyň üpjün edilmegi Türkmenistanyň BMG bilen hyzmatdaşlygynyň esasy ugry bolup durýar. Türkmenistan hemişelik Bitarap döwlet hökmünde öz jogapkärçiligine düşünip, hyzmatdaşlyk, özara düşünişmek ýagdaýyny, ählumumy hem-de sebit derejesinde durnukly ösüşi üpjün etmäge ukyply esasy we kesgitleýji şert hökmünde özara hormat goýmak dialogyny döretmäge gönükdirilen anyk çäreleri amala aşyrýar» diýip belleýär. Şu jähetden, bu ajaýyp kitabyň parahatçylyk söýüjilige ýugrulan hemişelik Bitaraplyk ýörelgelerimizi, milli diplomatiýamyzyň köklerini öwrenmekde gymmatly çeşme bolup hyzmat eder.

Biz hem «Türkmenistanyň Bitaraplygy — parahatçylygyň we ynanyşmagyň aýdyň ýoly» atly täze kitabyň neşir edilmegi mynasybetli Milli Liderimizi, hormatly Prezidentimizi hem-de ähli halkymyzy tüýs ýürekden gutlaýarys. Goý, bütin dünýäde parahatçylygy pugtalandyrmakda aýdyň geljege gönükdirilen belent maksatly işleri durmuşa geçirýän Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, döwletli işleri elmydama rowaçlyklara beslensin!

Akmaral GARAJAÝEWA,
Myrat Garryýew adyndaky Türkmenistanyň Döwlet lukmançylyk uniwersitetiniň Inçekesel kafedrasynyň assistenti.

Leave a Reply

Your email address will not be published.

yaslar sanly ulgam 25 new THE ASHGABAT TIMES
Öňki taryh

Watanymyzyň beýik geljegini gurujylar

oba hojalyk 25 THE ASHGABAT TIMES
Next Story

Oba hojalygynda ýaş telekeçileriň orny

Soňkylar Makalalar

Okuw işinde pedagogik çemeleşmegiň aýratynlyklary

16.11.2026
Aýnur ÖWLÝAKULYÝEWA,Seýitnazar Seýdi adyndaky TDMI-niň pedagogika fakultetiniň 2-nji ýyl talyby. Häzirki zaman bilim ulgamynda okuw işini netijeli guramak, okuwçylaryň bilim derejesini ýokarlandyrmak we olaryň

Ýaşlar guramasyna 35 ýyl!

16.11.2026
Ýaşlar her bir döwletiň rowaç geljegi, jemgyýetiň döredijilik kuwwaty, ösüşiň we täzelenişiň hereketlendiriji güýjüdir. Şoňa görä-de, Gahryman Arkadagymyzyň hem-de hormatly Prezidentimiziň tagallalary bilen ýurdumyzda
GitTop