Gyş paslynyň ilkinji garyň ýagmagy bilen tebigat özüne mahsus ak keşbine girip, daş-töweregi arassalyk we päklik duýgusy bilen gurşap alýar. Asmandan ýuwaşlyk bilen inýän gar däneleri şäherleri, obalary, daglary we giň meýdanlary bir bitewi ak haly ýaly örtýär. Bu aklyk diňe daşky gurşawy däl, adamlaryň ruhy dünýäsini hem täsirli bir rahatlyk bilen doldurýar. Garyň päkligi ýürekleri ýumşadyp, ynsana umyt, begenç we içki arassalyk duýgusyny bagyşlaýar.
Gar — tebigatyň adama peşgeş beren iň täsin we owadan gudratlarynyň biridir. Ol çagalykdaky ýakymly ýatlamalary oýarýar, mähirli pursatlary ýada salýar. Garyň ýagýan wagty köçelerde çagalaryň şatlykly gülküsi eşidilip, şäherde aýratyn ruhy sazlaşyk emele gelýär. Ak garyň astynda dünýä başgaça öwüşgin alýar: sesler ýuwaşlaýar, howa arassalanýar, adamlar bolsa gündelik aladalardan bir salymlyk hem bolsa daşlaşyp, tebigatyň gudratyna haýran galýarlar.
Gar — diňe bir gyş alamaty däl, eýsem ruhy tämizligiň, tebigat gözelliginiň we ynsanyň içki parahatlygynyň nyşanydyr. Ol dünýäni has owadan, has mähirli we has arassa görkezýär.
Jahan ATAÝEWA
Halkara ynsanperwer ylymlary we ösüş
uniwersitetiniň talyby
