22-nji maýda Türkmenistanyň paýtagty Aşgabat şäherinde,GDA-nyň hökümet Baştutanlarynyň geňeşiniň mejlisi bolar. GDA-nyň Baş sekretarynyň birinji orunbasary Igor Petrişenkonyň habar bermegine görä, Türkmenistanyň başlyklyk etmeginde geçiriljek bu çäräniň gün tertibi eýýäm tassyklanyldy diýip, TASS ýazýar.
Duşuşykda jemi 11 sany möhüm mesele, şol sanda ykdysady hyzmatdaşlyk, ulag geçelgeleri we sanlylaşdyrmak ýaly ugurlar ara alnyp maslahatlaşylar. Şeýle-de, mejlisiň dowamynda Minsk we Karaganda şäherlerini GDA-nyň geljekki ýaşlar paýtagtlary diýip yglan etmek göz öňünde tutulýar.
