Aşgabat şäheriniň Bedenterbiýe we sport baradaky Baş müdirliginiň hem-de Türkmenistanyň Badminton federasiýasynyň bilelikde guramagynda paýtagtymyzyň açyk birinjiligi geçirildi. Bu ýaryş şu ýylda halkara bäsleşiklere gatnaşjak milli ýygyndy toparyň düzümine dalaşgär türgenleri saýlap almakda möhüm tapgyr boldy.
Oglanlaryň we gyzlaryň arasyndaky bäsleşiklere jemi 32 türgen gatnaşdy.
Paýtagtymyzyň açyk birinjiliginiň netijelerine görä, degişli derejelerde ilkinji dört orny eýelän türgenler ýurdumyzyň çempionatyna gatnaşmaga hukuk gazandylar. Häzirki wagtda welaýatlarda hem saýlama tapgyrlar dowam edýär. 23 — 25-nji mart aralygynda geçiriljek milli çempionata iň güýçli badmintonçylarymyz ýygnanar.
Ýeňijiler we baýrakly orunlary eýelän türgenler Aşgabat şäheriniň Bedenterbiýe we sport baradaky Baş müdirliginiň Hormat hatlary hem-de Türkmenistanyň Badminton federasiýasynyň we TMÝG-niň Aşgabat şäher geňeşiniň gymmat bahaly sowgatlary bilen sylaglandylar.
«THE ASHGABAT TIMES».
