Dark
Light
10.11.2026
bilim 2024 THE ASHGABAT TIMES

Bilim dünýäsi bagta atarýar

15.02.2026

«Garaşsyz, baky Bitarap Türkmenistan — bedew batly at-myradyň mekany» ýyly ýurdumyzyň şöhratly taryhynda aýratyn orun aljak ýyllaryň biridir. Bu ýyl ýurdumyzyň ýeten belent sepgitleriniň, Garaşsyzlygymyzyň we hemişelik Bitaraplygymyzyň sarsmaz sütünleriniň dabaralanmasydyr. Ýylyň şygarynda ahalteke bedewlerimize bolan sarpanyň nyşanlarynyň bolmagy hem ýaşlarymyzda watansöýüjilik, merdanalyk we milli däp-dessurlarymyza wepalylyk duýgularyny oýarýar.

Hormatly Prezidentimiziň alyp barýan döwlet syýasatynyň ileri tutulýan ugurlarynyň biri hem bilim ulgamyny kämilleşdirmekden ybaratdyr. Bedew bady bilen öňe barýan ýurdumyzda her bir ýylyň şygary bilim ulgamynda okatmagyň hilini ýokarlandyrmaga, mugallymlaryň, okuwçy we talyp ýaşlaryň döredijilik ukyplaryny açmaga gönükdirilendir. Ýurdumyzyň ähli bilim edaralarynda sanly ulgam doly ornaşdyryldy. Bu bolsa dünýäniň iň täze ylmy maglumatlarynyň elýeterliligini üpjün edýär. Gurlup ulanylmaga berilýän täze, döwrebap mekdepler we çagalar baglary iň kämil tehnologiýalar bilen enjamlaşdyrylyp, ýaşlaryň bäsdeşlige ukyply hünärmenler bolup ýetişmegi üçin ähli şertler döredilýär.

Mälim bolşy ýaly, 13-nji fewralda geçirilen Ministrler Kabinetiniň giňişleýin mejlisinde berlen hasabatlar ýurdumyzyň ykdysady taýdan durnukly ösýändigini, ähli pudaklarda, şol sanda bilim ulgamynda öňde goýlan wezipeleriň üstünlikli ýerine ýetirilýändigini aýdyň görkezdi. Hut şu ýyl Türkmen döwlet binagärlik-gurluşyk institutynyň, Seýitnazar Seýdi adyndaky Türkmen döwlet mugallymçylyk institutynyň täze binalar toplumlary hem dabaraly açylar. «Türkmenistany 2026-njy ýylda durmuş-ykdysady taýdan ösdürmegiň we maýa goýum Maksatnamasyna» laýyklykda, şu ýyl umumy meýdany 900 müň inedördül metrden gowrak ýaşaýyş jaýlaryny, 3 müň 380 orunlyk umumybilim edaralaryny, 1 müň 80 orunlyk mekdebe çenli çagalar edaralaryny gurup ulanmaga bermek meýilleşdirilýär.  Munuň özi milli bilim ulgamynyň üstünliklere beslenýändigini aýdyň görkezýär.

Halkymyzyň bagtyýar geljegi üçin bilim ulgamynda alnyp barylýan özgertmeler ýaş nesliň maksat-myradyna ýetmegi üçin berk binýatdyr. Ýurdumyzyň bilim ulgamy bedew batly ösüşleriň sarsmaz sütünidir. Ýaş nesilleriň ylymly, bilimli, giň dünýägaraýyşly, hakyky watansöýüji ýaşlar bolup ýetişmekleri ugrunda dünýä nusgalyk işleri durmuşa geçirýän Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli alyp barýan işleri hemişe rowaçlyklara beslensin!

Merjen ALMEDOWA,
Seýitnazar Seýdi adyndaky Türkmen döwlet mugallymçylyk institutynyň pedagogika fakultetiniň başlangyç bilim mugallymçylygy we psihologiýasy hünäriniň 207-nji toparynyň talyby.

Leave a Reply

Your email address will not be published.

seydi institut THE ASHGABAT TIMES
Öňki taryh

Ajaýyp binagärlik taslamasy

bedew yyly kollazh THE ASHGABAT TIMES
Next Story

Ösüşleriň we bagtyýarlygyň senasy

Soňkylar Makalalar

Doganlyk halklaryň ygtybarly hyzmatdaşlygy

09.11.2026
Dostluk halklaryň ýüreginde ýaşaýar, nesilden-nesle geçýär, asyrlaryň dowamynda gymmatyny ýitirmän gelýär. Arkadagly Gahryman Serdarymyzyň Türkiýe Respublikasyna amala aşyran iş saparynyň mazmunynda bu hakykatyň aýdyň

Beýik işler bilime daýanýar

09.11.2026
Häzirki wagtda türkmen halkynyň Milli Lideri Gahryman Arkadagymyzyň ýurdumyzda ylym-bilim ulgamyny kämilleşdirmek boýunça başlangyçlary hormatly Prezidentimiziň baştutanlygynda mynasyp dowam etdirilýär. Berkarar döwletiň täze eýýamynyň

Halal zähmet – baky döwlet

09.11.2026
Türkmen topragy — rysgal-döwletli toprak. Her ýylyň noýabr aýynyň ikinji ýekşenbesinde uludan bellenilýän Hasyl toýy bolsa sahawatly topragymyzyň hasyllylygyny, saçaklarymyzyň berekedini, egsilmez rysgaly alamatlandyrýar.

Bir nahal ekseň, ýaşyň baky

09.11.2026
Nahal oturtmak, bag ýetişdirmek iň sogaply hem-de parz işleriň biri hasaplanylýar. Bag ekmek halkymyzyň milli dessurydyr. Şoňa görä-de, parasatly pederlerimiz täze öý gurunjak ýerinde
GitTop