Ýakynda Gahryman Arkadagymyzyň Amerikanyň Birleşen Ştatlaryna amala aşyran sapary diňe bir döwletara gatnaşyklaryň nobatdaky tapgyry bolman, eýsem, Türkmenistanyň dünýä derejesindäki parahatçylyk dörediji, deňagramly we öňdengörüjilikli daşary syýasatynyň aýdyň beýany hökmünde şanly ýylymyzyň möhüm taryhy seneleriniň hataryndan orun aldy.
Hormatly Prezidentimiz: «Biz dünýäniň ähli ýurtlary we halklary üçin açykdyrys. Olar bilen söwda-ykdysady, medeni-ynsanperwer, ylym-bilim ulgamlarynda gatnaşyklary geljekde-de ösdürmegi maksat edinýäris» diýmek bilen, ýurdumyzyň dünýä döwletleridir abraýly halkara guramalar bilen ýola goýlan gatnaşyklaryny hil taýdan täze derejä çykarmagy daşary syýasatymyzyň strategik wezipesi hökmünde kesgitledi. Şundan ugur alsak, Milli Liderimiziň Amerikanyň Birleşen Ştatlaryna amala aşyran sapary häzirki döwrüň halkara gatnaşyklarynda aýratyn ähmiýete eýe bolan wakalaryň biridir.
Dostlukly ýurda saparynyň çäklerinde hormatly Arkadagymyzyň ABŞ-nyň tanymal syýasatşynaslary, işewürleri, meşhur amerikan kompaniýalarynyň wekilleri bilen duşuşmagy ikitaraplaýyn gatnaşyklaryň häzirki ýagdaýyny pugtalandyrmaga we hyzmatdaşlygy mundan beýläk-de ösdürmäge oňyn ýardam eder. Bu duşuşyklar Türkmenistanyň ykdysady ösüş strategiýasyny halkara tejribeler bilen sazlaşdyrmakda hem möhüm ähmiýete eýedir.
Gahryman Arkadagymyzyň Amerikanyň Birleşen Ştatlaryna amala aşyran şu gezekki sapary ikitaraplaýyn gatnaşyklary täze derejä çykarmak üçin amatly mümkinçilikleri döredýär. Türkmen diplomatiýasyny ýeňişli menzillerde öňe alyp barýan Milli Liderimiziň hem-de Arkadagly Gahryman Serdarymyzyň janlary sag, ömürleri uzak bolsun!
Gurbansoltan ALLABERDIŶEWA,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 1-nji ýyl talyby.
