Türkmenistanyň Daşary işler ministri Raşid Meredowyň ýolbaşçylygyndaky wekiliýetiň Birleşen Patyşalyga saparynyň meýilnamasynyň aýratyn bölümi London uniwersitet kollejiniň (UCL) Arheologiýa institutynyň professory Timoti Wilýams bilen duşuşyk boldy. Onuň netijeleri boýunça Türkmenistanyň Medeniýet ministrligi bilen UCL-niň Arheologiýa institutynyň arasynda Ylalaşyga gol çekildi.
Söhbetdeşligiň dowamynda türkmen tarapy Timoti Wilýamsyň Türkmenistanyň arheologik mirasyny, aýratyn-da, gadymy Merwi öwrenmekde we durkuny saklap galmakda goşan köpýyllyk goşandyny belläp geçdi. Şeýle hem bilelikdäki ylmy barlaglaryň hem-de muzeý we sergi hyzmatdaşlygyny ösdürmegiň ähmiýeti nygtaldy.
Duşuşygyň netijeleri boýunça Türkmenistanyň Medeniýet ministrligi bilen UCL-niň Arheologiýa institutynyň arasynda hyzmatdaşlygy has-da giňeltmäge, bilelikdäki ekspedisiýalary geçirmäge, ylmy barlaglary ösdürmäge we hünärmenleri taýýarlamaga gönükdirilen Ylalaşyga gol çekildi.
«THE ASHGABAT TIMES».
