Halkara zenanlar güni mynasybetli ýurdumyzyň ähli aýal-gyzlaryna hormatly Prezidentimiziň adyndan pul sowgatlaryny dabaraly ýagdaýda gowşurmak çärelerine badalga berildi. Çagalar baglarynda terbiýelenýän körpeler baýramçylyk sowgatlaryny ilkinji bolup kabul etdiler.
Mälim bolşy ýaly, 20-nji fewralda sanly ulgam arkaly geçirilen Ministrler Kabinetiniň mejlisinde Türkmenistanyň Prezidenti Halkara zenanlar güni mynasybetli pul sowgatlaryny bermek hakynda Buýruga gol çekdi hem-de olary dabaraly ýagdaýda gowşurmak hakynda degişli ýolbaşçylara tabşyryk berdi.
Şeýlelikde, çagalar baglaryna gatnaýan körpeler pul sowgatlaryny uly şatlyk bilen kabul etdiler. Olaryň şatlygyna ata-eneleriň hem goşulmagy bu çäräniň ähmiýetini artdyrdy.
«THE ASHGABAT TIMES».
