Düýn ― 4-nji martda Halkara zenanlar güni mynasybetli Türkmenistanyň Şekillendiriş sungaty muzeýinde «Şekillendiriş sungatynda zenan waspy» atly baýramçylyk sergisi açyldy.
Bu sergide Döwlet çeperçilik akademiýasynyň mugallymlarynyň we talyplarynyň döredijiligine hem giň orun berlipdir.
Türkmenistanyň Döwlet medeniýet merkeziniň Döwlet muzeýiniň, Şekillendiriş sungaty muzeýiniň gymmatlyklaryna giň orun berlen sergide aýdym-sazly çykyşlar hem-de milli lybaslaryň moda görkezilişi boldy.
8-nji marta çenli dowam etjek sergide reňbe-reň zenan dünýäsine, ene mukaddesligine bagyşlanan şekillendiriş we amaly-haşam sungatynyň eserleri görkezilýär.
«THE ASHGABAT TIMES».
