HHR-iň Türkmenistandaky Adatdan daşary we Doly ygtyýarly ilçisi Szi Şumin ýerli we daşary ýurt köpçülikleýin habar beriş serişdeleriniň wekilleriniň gatnaşmagynda nobatdaky metbugat maslahatyny geçirdi.
Maslahat iki ýurduň durmuşynda möhüm ähmiýeti bolan wakalara — türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 17 — 19-njy martda Pekine amala aşyran dostluk saparynyň we Halk wekilleriniň Ählihytaý ýygnagynyň hem-de Halk syýasy konsultatiw geňeşiniň Ählihytaý komitetiniň ýakynda geçirilen sessiýalarynyň jemlerine bagyşlandy.
Umuman, bu metbugat maslahaty türkmen-hytaý gatnaşyklarynyň uzak möhletleýin, durnukly we özara bähbitli häsiýete eýedigini ýene bir gezek tassyklady. Duşuşygyň ahyrynda oňa gatnaşan žurnalistler ilçä özlerini gyzyklandyrýan sowallar bilen ýüzlendiler.
«THE ASHGABAT TIMES».
