Owganystan Türkmenistanyň üsti bilen geçýän Lazurit geçelgesi arkaly öz önümleriniň eksportyny işjeňleşdirýär. Owganystanyň Ulag we raýat awiasiýasy ministrliginiň maglumatlaryna görä, türkmen-owgan serhedindäki Turgundy gury porty arkaly sekiz sany ýük eksporta ugradyldy. Bu barada «Ariana News» ýekşenbe güni habar berdi.
Ýükleriň düzümine guradylan miweler, mürepbe, basyşly gazanlar hem-de energiýa içgileri girýär. Ýükler Türkiýä ýetirilenden soňra, olaryň Saud Arabystany Patyşalygynyň, ABŞ-nyň, Awstraliýanyň we Niderlandlaryň bazarlaryna gaýtadan eksport edilmegi meýilleşdirilýär.
2018-nji ýylda işe girizilen Lazurit geçelgesi Owganystany Türkmenistanyň, Azerbaýjanyň, Gruziýanyň we Türkiýäniň üsti bilen Ýewropanyň bazarlary bilen baglanyşdyrýar.
«THE ASHGABAT TIMES».
