Agyz bekli wagty suwa düşmäge rugsat berilýär. Ýöne suwa düşülende agyzdan we burundan suw girip bokurdaga geçse oraza bozular. Hut şol sebäpden, agyz we burnumyza suwuň gitmezligine has üns bermelidiris.
Gulaklarymyzdan suwuň girmesiniň bir zeleli ýokdur, sebäbi gulakda bar bolan perde suwuň girmesiniň öňüni alýar, emma bu perdäniň ýoklugy ýagdaýynda hem içeri girjek suw bokurdaga barýança geçjek kanaljyklarynda siňip gidýär we şeýlelikde, bokurdaga baryp ýetjek suw gaty ujypsyz bolandygy üçin orazany bozmaz.
«THE ASHGABAT TIMES».
