Türkmenistanyň Prezidenti 20-nji martda geçirilen Ministrler Kabinetiniň nobatdaky mejlisinde gowaça ekişi möwsüminiň golaýlap gelýändigine ünsi çekip, bu möwsümiň pagtaçy daýhanlaryň öňünde örän möhüm wezipeleri goýýandygyny belledi we ähli welaýatlarda 25-nji martda gowaça ekişine başlamaga ak pata berdi.
Şu ýyl Türkmenistanyň Ahal welaýatynda gowaçanyň orta süýümli «Ýolöten — 7», «Ýolöten — 39», «Jeýhun» we inçe süýümli «Ýolöten — 14» sortlary, Balkan welaýatynda orta süýümli «Ýolöten — 7», «Jeýhun» sortlary, Daşoguz welaýatynda orta süýümli «Daşoguz — 114», «Daşoguz — 120», «Jeýhun» we «F — 149» sortlary, Lebap welaýatynda orta süýümli «Ýolöten — 7», «Ýolöten — 39», «Ýolöten — 53», «S — 2606», «Garaşsyzlyk — 30» sortlary, Mary welaýatynda orta süýümli «Ýolöten — 7», «Ýolöten — 39», «Ýolöten — 53», «Ýolöten — 50», «TOHU — 17» we inçe süýümli «Ýolöten — 14» sortlary ekiler.
Tohumyňyz müňlesin, edermen pagtaçy daýhanlar!
«THE ASHGABAT TIMES».
