2026-njy ýylyň 24-nji fewralynda Abu-Dabi şäherinde Türkmenistanyň BAE-ndäki Ilçisi B.Baýramowyň Halkara gaýtadan dikeldilýän energiýa çeşmeleri boýunça agentliginiň (IRENA) Baş direktory Françesko La Kamera ynanç hatyny gowşurmak dabarasy boldy.
Duşuşygyň dowamynda taraplar strategik hyzmatdaşlygyň ileri tutulýan ugurlaryny, aýratyn-da «ýaşyl» wodorod öndürmek we gaýtadan dikeldilýän energiýa çeşmeleriniň döwrebap tehnologiýalaryny ornaşdyrmak meselelerini ara alyp maslahatlaşdylar.
IRENA-nyň ýolbaşçysy Türkmenistan bilen köptaraplaýyn gatnaşyklary çuňlaşdyrmaga taýýardygyny tassyklady. Söhbetdeşligiň ahyrynda taraplar Durnukly ösüş maksatlaryna ýetmek we ekologiýa durnuklylygyny üpjün etmek ugrunda uzak möhletleýin hyzmatdaşlygy dowam etdirmäge ygrarlydyklaryny bildirdiler.
«THE ASHGABAT TIMES».
