Türkmenistanyň ýaşaýjylary aragatnaşyk hyzmatlaryny birikdirmekde ýa-da sazlamakda kynçylyk ýüze çykan ýagdaýynda, tehniki hünärmeni çagyrmak üçin onlaýn görnüşde arza ýazyp bilerler. Degişli mümkinçilik «Türkmentelekom» kompaniýasynyň resmi sahypasynda elýeterlidir.
Bu hyzmat internet, kabel telewideniýesi ýa-da öý telefon aragatnaşygy bilen bagly näsazlyklary özbaşdak düzetmek başartmadyk ýagdaýlary üçin niýetlenendir. Arzany resmileşdirmek üçin habarlaşmak üçin maglumatlary, ýaşaýan salgyňyzy görkezmek we ýüze çykan meseläni gysgaça beýan etmek gerekdir.
Şeýle hem tehniki hünärmeni 071 telefon belgisi arkaly çagyrmak mümkindir. Kompaniýanyň bellemegine görä, bu hyzmatdan hem fiziki, hem-de ýuridiki şahslar peýdalanyp bilerler.
«THE ASHGABAT TIMES».
