Yn­sanperwer ýörelgeler dabaralanýar

Düýn paý­tag­ty­myz­da­ky “Ar­ça­bil” myh­man­ha­na­syn­da Türk­me­nis­ta­nyň Ga­raş­syz­ly­gy­nyň 35 ýyl­ly­gy my­na­sy­bet­li “Yn­san­per­wer­lik ýo­ly” ady bi­len hal­ka­ra mas­la­hat ge­çi­ril­di. “Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny” ýy­ly­nyň şan­ly wa­ka­la­ry­nyň ma­ny-maz­mun taý­dan baý­laş­ma­gy­ny şert­len­di­ren bu çä­re yn­san­per­wer ýö­rel­ge­le­riň dün­ýä­dä­ki äh­mi­ýe­ti­niň bar­ha art­ýan­dy­gy­ny aý­dyň gör­kez­di.

Hal­ka­ra mas­la­ha­ta Türk­me­nis­ta­nyň Gy­zyl Ýa­ry­maý Mil­li jem­gy­ýe­ti­niň (TGÝMJ), Hal­ka­ra Gy­zyl Haç Ko­mi­te­ti­niň we Gy­zyl Haç hem-de Gy­zyl Ýa­ry­maý jem­gy­ýet­le­ri­niň hal­ka­ra fe­de­ra­si­ýa­sy­nyň Türk­me­nis­tan­da­ky we­kil­ha­na­la­ry­nyň ýol­baş­çy­la­ry, dür­li ýurt­la­ryň Gy­zyl Ýa­ry­maý Mil­li jem­gy­ýet­le­ri­niň we­kil­le­ri san­ly ul­gam ar­ka­ly gat­naş­dy­lar. Fo­rum­da hä­zir­ki dö­wür­de mö­hüm hä­si­ýe­te eýe bol­ýan yn­san­per­wer ýö­rel­ge­le­riň ma­ny-maz­mu­ny ba­ra­da gür­rüň edil­di.

Çä­re­de dün­ýä ýurt­la­ry­nyň Gy­zyl Ýa­ry­maý Mil­li jem­gy­ýet­le­ri, Hal­ka­ra Gy­zyl Haç Ko­mi­te­ti­niň we Gy­zyl Haç hem-de Gy­zyl Ýa­ry­maý jem­gy­ýet­le­ri­niň hal­ka­ra fe­de­ra­si­ýa­sy bi­len ýo­la goý­lan hyz­mat­daş­ly­gyň ugur­la­ry ara al­nyp mas­la­hat­la­şyl­dy. Bu gu­ra­ma­lar bi­len al­nyp ba­ryl­ýan bi­le­lik­dä­ki iş­ler Türk­me­nis­ta­nyň Gy­zyl Ýa­ry­maý Mil­li jem­gy­ýe­ti­niň iş­gär­le­ri­niň we meý­le­tin­çi­le­ri­niň bi­lim de­re­je­si­ni ýo­kar­lan­dyr­ma­ga, öza­ra tej­ri­be alyş­ma­ga şert dö­red­ýär.

Hä­zir­ki dö­wür­de pa­ra­hat­çy­lyk, hoş­ni­ýet­li goň­şu­çy­lyk ýö­rel­ge­le­ri­ne esas­lan­ýan da­şa­ry sy­ýa­sat stra­te­gi­ýa­sy­ny dur­mu­şa ge­çir­ýän Türk­me­nis­tan äh­lu­mu­my gün ter­ti­bi­niň wa­jyp me­se­le­le­ri­niň çö­zül­me­gi­ne, şol san­da yn­san­per­wer ýö­rel­ge­le­riň­dir gym­mat­lyk­la­ryň ber­ka­rar edil­me­gi­ne gö­nük­di­ri­len baş­lan­gyç­la­ry öňe sür­ýär. Çy­kyş­lar­da bel­le­ni­li­şi ýa­ly, TGÝMJ-niň alyp bar­ýan iş­le­ri Gy­zyl Haç we Gy­zyl Ýa­ry­maý jem­gy­ýet­le­ri­niň hal­ka­ra fe­de­ra­si­ýa­sy­nyň yn­san­per­wer­lik, özyg­ty­ýar­ly­lyk, meý­le­tin­lik ýa­ly esa­sy ýö­rel­ge­le­ri­ne la­ýyk gel­ýär. Bu bol­sa ka­bul edi­len çöz­güt­le­riň ýo­ka­ry de­re­je­de ama­la aşy­ryl­ma­gy ug­run­da­ky bi­le­lik­dä­ki ta­gal­la­la­ryň aý­dyň ne­ti­je­si­dir.

Güljahan BÄŞIMOWA,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 3-nji ýyl talyby.