“Apple” kompaniýasynyň resmi beýanyna görä, şu ýylyň 1-nji sentýabryndan başlap, kärhananyň ýokary ýolbaşçy düzüminde möhüm wezipe çalşygy bolar. Kompaniýanyň köp ýyllyk tejribeli hünärmeni Jon Ternus ýerine ýetirijiler geňeşiniň başlygy (CEO) wezipesine bellenildi.
Jon Ternus 2021-nji ýyldan bäri kompaniýanyň Enjamlaşdyryş bölüminiň ýolbaşçysy bolup işleýär we umumylykda 25 ýylyň dowamynda “Apple”-iň önümlerini işläp taýýarlamakda uly goşant goşdy. Onuň häzirki Enjamlaşdyryş bölüminiň ýolbaşçysy wezipesini bolsa orunbasary Tom Marýeb kabul eder.
Häzirki wagtda CEO wezipesini ýerine ýetirýän 65 ýaşly Tim Kuk, täze döwürde dolandyryjylar geňeşiniň başlygy wezipesine geçer. Ol bu wezipede uzak wagtdan bäri işläp gelýän Art Lewinsonyň ornuna belleniler. Tim Kuk özüniň täze başlangyjynda esasan kompaniýanyň halkara hyzmatdaşlyk gatnaşyklaryny berkitmäge we strategik meselelere has köp üns berer.
