2026-njy ýylyň 4-nji aprelinde, Türkmenistanyň Garaşsyzlygynyň 35 ýyllygy we ýylyň şygary bolan “2026 – Garaşsyz, baky bitarap Türkmenistan – bedew batly at – myradyň mekany” mynasybetli Bütindünýä Saglyk gününiň öňüsyrasynda, Rumyniýada ýaşaýan türkmen talyplarynyň we watandaşlarymyzyň arasynda dostluk mini-futbol ýaryşy geçirildi. Bu ýaryşy Türkmenistanyň Rumyniýadaky Ilçihanasy türkmen ýaşlarynyň gatnaşmagynda gurnady.
Çäräniň öň ýanynda Türkmenistanyň sagdyn durmuş ýörelgesini wagyz etmek we köpçülikleýin sporty ösdürmek syýasatynyň möhüm ähmiýete eýe bolup durýandygy barada bellenilip geçildi.
Ýaryşa Rumyniýanyň dürli şäherlerinden, şol sanda Buharest, Oradea, Timişoara, Kluj-Napoka we beýleki şäherlerden umumy ýedi topar gatnaşdy. Bäsleşik adalatlylyk, jebislik we agzybirlik ýörelgelerinden ugur alnyp geçirildi.
Ýaryşyň netijesinde, “Turan” topary (Kluj-Napoka) birinji orny, “Arkadag” (Buharest) ikinji orny we Ilçihananyň topary üçünji orny eýelediler. Ýeňijilere we iň gowy oýunçylara medallar, hormat hatlar we kuboklar gowşuryldy.
Ýaryşa gatnaşyjylar sagdyn durmuş ýörelgesiniň, köpçülikleýin sportuň we ýokary derejeli sportuň ösdürilmegine berilýän üns üçin türkmen halkynyň Milli Liderine we hormatly Prezidentine minnetdarlyk bildirdiler we sagdyn durmuş ýörelgesiniň ähmiýetini beýan edýän Bütindünýä Saglyk gününiň çäginde şeýle başlangyçlaryň möhümdigini nygtadylar.
