Daşoguz şäheriniň 5-nji sport mekdebiniň tälimçi-mugallymy Sanjarbek Awazberdiýew özüniň halkara ýaryşlardaky gazanan üstünliklerine sambo boýunça Dünýä kubogynyň altyn medalyny hem goşdy. Ermenistanyň paýtagty Ýerewan şäherinde geçirilen halkara ýaryşda söweş sambosy boýunça 64 kilograma çenli agram derejesinde daşoguzly ýigide taý tapylmady.
Ýer ýüzüniň 21 döwletinden 289 türgeni özünde jemlän Dünýä kubogynda türgenlerimiz medallaryň ýedisine mynasyp görüldi. Sanjarbek Awazberdiýewden başga-da, ezber türgenlerimiziň dördüsi kümüş, ikisi bürünç medal gazandylar.
«THE ASHGABAT TIMES».
