2026-njy ýylyň 29-njy aprelinde köpçülik sporty we fiziki terbiýäni ösdürmek boýunça döwlet syýasatyny durmuşa geçirmegiň çäginde, şeýle hem Türkmenistanda geçirilýän Saglyk Milli aýyna bagyşlanyp, Hytaý Halk Respublikasynyň paýtagtynda Türkmenistanyň Hytaýdaky Ilçihanasynyň diplomatlarynyň, türkmen we hytaý ýaşlarynyň gatnaşmagynda dabaraly welosiped ýörişi geçirildi. Bu barada Türkmenistanyň DIM-niň web-saýtynda habar berilýär.
“Türkmenistan bilen Hytaýyň arasynda dostluk, pes uglerodly saglyk we ýaş ruh” şygary astynda geçirilen çäräni Türkmenistanyň Hytaý Halk Respublikasyndaky Ilçihanasy gurnady, bu çäre Hytaýyň “Flying Pigeon” welosiped birleşiginiň we “China-Turkmenistan Cultural Center”, şeýle hem Hytaýyň iň gadymy welosiped öndüriji kärhanasy “Flying Pigeon” ýaly hytaý kompaniýalarynyň ýakyndan ýardam bermegi bilen amala aşyryldy.
Bu sport çäresiniň geçirilmegi Türkmenistanyň we Hytaýyň medeniýet we sport ugurlarynda ýokary derejeli hyzmatdaşlygynyň aýdyň subutnamasy boldy.
Welosiped ýolunyň badalgasy we jemleýji nokady — simwoliki ähmiýetli bolan Türkmenistanyň Milli pawilýonynyň ýerleşýän ýerinde boldy. Ýaşlar guramalaryndan ybarat gatnaşyjy toparlar «Dongjimen» etrabynyň esasy köçeleriniň ugry boýunça ýörite işlenilip düzülen ugur boýunça hereket etdiler.
«THE ASHGABAT TIMES».
