2026-njy ýylyň 16-19-njy apreli aralygynda Rumyniýa döwletiniň Buharest şäherinde 17 ýaşa çenli türgenleriň arasynda erkin we grek-rim göreşi boýunça “Konstantin Aleksandru we Ioan Popowiç” adyndaky halkara ýaryşynda türkmen türgenleri üstünlikli çykyş etdiler. Bu barda Türkmenistanyň Rumyniýadaky Ilçihanasynyň habar berdi
Agzalan ýaryşa dürli döwletlerden gatnaşan türgenleriň arasynda Türkmenistanyň ýygyndy toparynyň wekilleri ýokary derejede çykyş edip, umumylykda 13 medal gazandylar. Şol sanda, erkin göreş boýunça 14 döwletiň arasynda medal hasaby boýunça birinji orny eýeläp, ýurdumyzyň sportda gazanan üstünliklerine goşant goşdular. Jemi erkin we grek-rim göreşi boýunça 4 altyn, 6 kümüş we 3 bürünç medallaryny gazandylar.
Bu üstünlikler türkmen türgenleriniň yhlasynyň, ussatlygynyň hem-de ýurdumyzda sport ulgamynyň yzygiderli ösdürilýändiginiň aýdyň subutnamasydyr.
Şeýle-de, ýaryşa gatnaşan ýaşlar Türkmenistanyň Prezidenti Serdar Berdimuhamedowa we Türkmen halkynyň Milli Lideri Gurbanguly Berdimuhamedowa sagdyn durmuş ýörelgesini, ýokary derejeli sporty ösdürmäge berýän uly ünsleri, şeýle-de halkara derejeli sport çärelerine gatnaşmaga döredýän uly mümkinçilikleri üçin tüýs ýürekden hoşallyk sözlerini beýan etdiler.
