Türkmenistan 12–17-nji maý aralygynda Russiýa Federasiýasynyň Tatarystan Respublikasynyň paýtagty Kazan şäherinde geçiriljek «Russiýa — Yslam dünýäsi: Kazan Forum» XVII Halkara ykdysady forumynyň çäginde guraljak «Kazan Halal Market» sergisine gatnaşar. Bu barada Tatarystanyň Maýa goýumlaryny ösdürmek boýunça agentliginiň ýolbaşçysy Taliýa Minullinanyň aýdanlaryna salgylanyp, «Tatar-inform» agentligi duşenbe güni habar berdi.
«Kazan Halal Market» halkara söwda ýarmarkasy bolup, onda azyk önümleri, gözellik harytlary, egin-eşikler, esbaplar we öý üçin niýetlenilen hojalyk harytlar görkeziler. Bu sergä gatnaşmak üçin gatnaşyjylaryň önümleriniň hökmany ýagdaýda halal şahadatnamasy bolmalydyr, diýlip habarda bellenilýär.
Geçen ýyl bu sergä Russiýadan 150-den gowrak kompaniýa, şeýle hem Türkmenistandan, Gazagystandan, Azerbaýjandan, Gyrgyzystandan, Türkiýeden, Eýrandan, Owganystandan, Pakistandan, Hindistandan we Senegal döwletinden önüm öndürijiler gatnaşdylar.
Türkmenistan, Russiýa we Owganystan «Russiýa — Yslam dünýäsi: Kazan Forum» halkara forumyň çäginde täze üstaşyr geçelgäni döretmek boýunça üçtaraplaýyn ylalaşyga gol çekmegi meýilleşdirýärler.
«THE ASHGABAT TIMES».
