Türkmen kompaniýalary rus kärdeşleri bilen bilelikde gara metallaryň doly önümçilik tapgyryny döretmek boýunça taslamalary işläp taýýarlaýarlar. Bu barada Russiýanyň birinji wise-premýeri Denis Manturow halkara senagat sergisi “Innoprom. Merkezi Aziýa” atly plenar mejlisde eden çykyşyna salgylanyp, TASS agentligi duşenbe güni habar berdi.
Manturowyň aýtmagyna görä, iki ýurduň işewürleri gara metallaryň önümçiliginiň ähli tapgyrlaryny öz içine alýan önümçilik zynjyrlaryny döretmek boýunça iş alyp barýarlar, şeýle hem awtomobil gurluşygynda we nebitgaz pudagy üçin enjam öndürmekde hyzmatdaşlygy giňeldýärler.
Gara metallar — bu demir esasly metallardyr, olara polat we çoýun degişlidir. Olar gurluşykda, maşyn gurluşygynda we energetikada giňden ulanylýar. Doly önümçilik tapgyry demir magdany gazyp almakdan başlap, çig maly gaýtadan işlemegi we taýýar önümleri çykarmagy öz içine alýar.
Mundan ozal Russiýanyň Prezidenti Wladimir Putin rus kompaniýalarynyň türkmen bazarynda täze maýa goýum taslamalaryny amala aşyrmaga taýýardygyny belläpdi.
«THE ASHGABAT TIMES».
