Ýakynda «Merkezi Aziýa — Hindistan» dialogynyň çäginde Merkezi Aziýa ýurtlarynyň, şol sanda Türkmenistanyň ýaşlar wekiliýetiniň Hindistan Respublikasyna tanyşlyk sapary guraldy.
Saparyň dowamynda türkmen ýaşlary Mumbaý, Goa we Nýu-Deli şäherlerinde bolup, Hindistanyň hökümet wekilleri, öňdebaryjy ylmy edaralary we medeni merkezleri bilen duşuşdylar. Wekiliýet agzalary Mumbaýda Hindistanyň Tehnologiýa institutynda we gazna biržasynda, Goada bolsa Milli okeanografiýa institutynda bolup, häzirki zaman ylmynyň ösüşi hem-de «mawy ykdysadyýet» ugrundaky başlangyçlar bilen tanyşdylar.
Saparyň medeni maksatnamasynyň çäginde Humaýunyň aramgähi, Çhatrapati Şiwaji Maharadja muzeýi we Dadasaheb Phalke Çitranagari kinostudiýasy ýaly taryhy hem-de döwrebap binalara zyýarat edildi. Nýu-Delide geçirilen duşuşyklarda Hindistanyň ýaşlar syýasaty, sport we daşary işler ministrlikleriniň ýolbaşçylary bilen özara tejribe alşyldy.
Bu sapar Hindistan bilen Merkezi Aziýa ýurtlarynyň arasyndaky ýaşlar diplomatiýasyny we ylmy-medeni hyzmatdaşlygy berkitmekde möhüm ädim boldy.
«THE ASHGABAT TIMES».
