2 — 8-nji maý aralygynda Müsüriň Ismailiýa şäherinde ýaşlaryň arasynda sportuň agyr atletika görnüşi boýunça dünýä çempionaty geçirildi. Oňa Türkmenistanyň milli ýygyndy toparynyň türgenleri hem gatnaşyp, üstünlikli çykyş etdiler. Agyr atletikaçylarymyz bu ýaryşda jemi 4 medal, şol sanda 2 altyn, 1 kümüş we 1 bürünç medallary gazandylar.
Dünýäniň 53 döwletinden 270-den gowrak türgeniň gatnaşmagynda ýaşlaryň arasynda geçirilen agyr atletika boýunça dünýä çempionaty dartgynly häsiýete eýe boldy. Ýaryşda türgenlerimiziň çykyşlary hem aýratyn tapawutlanyp, ýurdumyzda agyr atletikanyň sportuň iň ösen görnüşleriniň biridigini nobatdaky gezek görkezdi.
«THE ASHGABAT TIMES».
