Dark
Light
17.11.2026
us discuss pr 19f0e3f4af9e4ff3592924dd2c248d35 sm THE ASHGABAT TIMES

Türkmenistan bilen ABŞ bilim ulgamynda ileri tutulýan ugurlary maslahatlaşdy

09.06.2026

Türkmenistanyň Bilim ministrliginde bilim ministriniň orunbasary Azat Ataýew ABŞ-nyň Döwlet sekretarynyň orunbasary Sara Rojersiň ýolbaşçylygyndaky amerikan wekiliýeti bilen duşuşyk geçirdi. Bu barada Türkmenistanyň Bilim ministrligi duşenbe güni habar berdi.

Duşuşykda 2023-nji ýylda gol çekilen Özara düşünişmek hakyndaky Ähtnamanyň we bilelikdäki Ýol kartasynyň çäklerinde iki taraplaýyn hyzmatdaşlygy çuňlaşdyrmagyň mümkinçilikleri ara alnyp maslahatlaşyldy.

Taraplar bilelikdäki magistratura maksatnamalarynyň, şol sanda MBA maksatnamasynyň, iki diplomly bilim maksatnamalarynyň, okuw meýilnamalarynyň utgaşdyrylmagynyň hem-de professor-mugallymlaryň hünär derejesiniň ýokarlandyrylmagynyň wajypdygyny bellediler.

Amerikan tarapy alyş-çalyş maksatnamalarynda türkmenistanly gatnaşyjylar üçin orunlaryň sanyny artdyrmagy hem-de ABŞ-nyň bilim maksatnamalarynyň uçurymlary bilen hyzmatdaşlygy işjeňleşdirmegi teklip etdi.

Sanly bilim babatda ABŞ-nyň öňdebaryjy onlaýn bilim platformalaryna elýeterliligi giňeltmek, bilimleri halkara derejede bahalandyrmak we maglumat tehnologiýalary babatda öňdebaryjy synag hem-de sertifikatlaşdyryş ölçeglerini ornaşdyrmak meselelerine hem garaldy.

Duşuşygyň ahyrynda taraplar hyzmatdaşlygyň bilelikdäki Ýol kartasyny döwrebaplaşdyrmagyň maksadalaýykdygy barada pikir alyşdylar. Täzelenýän resminamada sanly bilim ekoulgamlary, emeli aň tehnologiýalary, ýokary okuw mekdepleriniň halkara akkreditasiýasy we täze bilelikdäki uniwersitet taslamalary ileri tutulýan ugurlar hökmünde kesgitlendi.

«THE ASHGABAT TIMES».

Leave a Reply

Your email address will not be published.

zergar bas THE ASHGABAT TIMES
Öňki taryh

Zergärçilik sungatynda sagatlaryň çeper bezegi

seul THE ASHGABAT TIMES
Next Story

Türkmenistan Seulda geçirilen halkara syýahatçylyk sergisinde öz mümkinçilikleri bilen tanyşdyrdy

Soňkylar Habar

GitTop