2026-njy ýylda futbol boýunça Dünýä çempionatynda ýeňiji bolan Ispaniýa ýygyndysy garaşylmadyk maliýe çykdajysy bilen ýüzbe-ýüz boldy. Habara görä, topar çempionlyk üçin alan baýragynyň bir bölegini ABŞ-nyň salgyt kanunçylygynyň talaplaryna laýyklykda salgyt hökmünde tölemeli bolar.
ABŞ-nyň kanunlaryna görä, ýurduň çäginde girdeji gazanan daşary ýurtly rezident däl şahslar, eger halkara salgyt şertnamalary arkaly ýeňillik göz öňünde tutulmasa, şol girdejiniň 30 göterimi möçberinde federal salgyt tölemeli bolýar.
Ispaniýa ýygyndysy dünýä çempionatyndaky ýeňşi üçin jemi 50 million dollar baýrak aldy. Emma ABŞ tarapy futbol toparyny bitewi bir gurama hökmünde däl-de, aýratyn oýunçylardan ybarat topar hökmünde kabul etdi. Şonuň üçin salgyt her bir futbolçy üçin aýratynlykda hasaplanyldy.
Netijede, Ispaniýa ýygyndysynyň ABŞ-nyň býujetine 15 million dollara çenli salgyt tölemegi mümkin. ABŞ Kongresiniň käbir agzalary bolsa sportçylara şeýle ýokary salgyt derejesiniň ulanylmagyny tankyt edip, düzgünleriň täzeden gözden geçirilmelidigini aýtdylar.
«THE ASHGABAT TIMES».
