Berkarar döwletiň täze eýýamynyň Galkynyşy döwründe ata Watanymyz ykdysady, medeni we jemgyýetçilik taýdan ýokary depginler bilen ösýär. Ýurdumyzda alnyp barylýan giň gerimli özgertmeler netijesinde döwletimiziň halkara abraýy barha ýokarlanýar, dünýä döwletleri bilen dostlukly we özara bähbitli hyzmatdaşlyk gatnaşyklary has-da pugtalandyrylýar. Garaşsyz, hemişelik Bitarap Türkmenistan döwletimiziň parahatçylyk, hoşniýetli goňşuçylyk we ynsanperwer ýörelgelere esaslanýan daşary syýasaty halkara giňişlikde giň goldawa eýe bolýar.
Milli Liderimiziň asylly başlangyçlaryny üstünlikli dowam etdirýän hormatly Prezidentimiziň baştutanlygynda ýurdumyzda ilatyň eşretli we bagtyýar durmuşda ýaşamagy, jemgyýetiň ähli ulgamlarynyň sazlaşykly ösdürilmegi ugrunda giň gerimli işler durmuşa geçirilýär. Milli maksatnamalaryň çäklerinde ykdysadyýetiň dürli pudaklary döwrebaplaşdyrylýar, önümçilik kuwwatlyklary artdyrylýar, şäherleriň we obalaryň keşbi barha özgerýär. Bu bolsa ýurdumyzyň ösüşiniň täze tapgyryna gadam basandygyny görkezýär.
Arkadagly Gahryman Serdarymyz: «Milletimiziň agzybirligi, jemgyýetimiziň jebisligi, ýaş raýatlarymyzyň döredijilikli başlangyçlary bu gün bize içeri we daşary syýasatymyzy sazlaşykly alyp barmaga, döwlet gurluşyny hemmetaraplaýyn ösdürmäge hem-de has-da kämilleşdirmäge oňyn şertleri döredýär» diýip belleýär. Şunda ösüşleriň möhüm ugry hökmünde ýaş nesle aýratyn üns berilýär. Döwlet ýaşlaryň bilim almagy, hünär taýdan kämilleşmegi, sagdyn we ruhubelent ösmegi üçin ähli zerur şertleri döredýär.
Garaşsyz, baky Bitarap Watanymyzyň ösüş ýolunda ýaşlar esasy güýç hökmünde çykyş edýär. Olaryň Watana wepaly, bilimli, döredijilikli we ruhubelent bolup ýetişmegi ýurdumyzyň röwşen geljeginiň berk binýadydyr. Ýurdumyzy gülledip ösdürmek babatda ägirt uly işleri amala aşyrýan, ýaş nesle uly ynam bildirip, geljege ak ýol açýan Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak, beýik işleri elmydama rowaç bolsun!
Yhlas AKÖÝLIÝEW,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 1-nji ýyl talyby.
