Türkmenistanyň S.A. Nyýazow adyndaky Oba hojalyk uniwersiteti 2025-nji ýylyň 2-6-njy iýun aralygynda “Durnukly ösüşiň maksatlaryna ýetmekde ýaşlaryň orny” atly halkara ylmy-taslama bäsleşigini geçirýär we siziň ýokary okuw mekdebiňiz talyplary oňa gatnaşmaga çagyrýar.
Bu halkara bäsleşik dürli ýurtlaryň ýokary okuw mekdepleriniň talyplarynyň we mugallymlarynyň arasynda dostlukly gatnaşyklary berkitmäge, şeýle hem ylmy maglumatlaryň, döwrebap barlaglaryň we nazaryýet hem-de amaly ylym bilen bagly meseleleriň özara peýdaly alyş-çalyş edilmegine mümkinçilik döretmäge ýardam eder diýip, berk ynanýarys.
Halkara bäsleşigiň resmi dilleri: türkmen, iňlis we rus dilleri. Bäsleşik Birleşen Milletler Guramasy tarapyndan kabul edilen Durnukly Ösüş Maksatlarynyň çäginde azyk howpsuzlygy we daşky gurşawy goramak ugurlaryna gönükdirilendir.
Halkara bäsleşigi geçirmek bilen baglanyşykly goşmaça maglumatlar we bildirişler uniwersitetiň resmi web sahypasynda tohu.edu.tm ýerleşdiriler.
Habarlaşmak üçin:
Telefon: +99312342680
Elektron poçta: science.tm2024@gmail.com
Bäsleşigiň ugurlary:
Bäsleşik birnäçe ugur boýunça geçiriler we ylmy iş bilen meşgullanýan ýaş alymlara öz mümkinçiliklerini görkezmeklige kömek eder. Bu maksatlaryň arasynda:
Açlygy ýok etmek – Azyk howpsuzlygyny üpjün etmek, iýmitiň hilini gowulandyrmak we oba hojalygynyň durnukly ösüşini goldamak.
Arassa suw we arassaçylyk – Suw serişdeleriniň elýeterliligini we rejeli peýdalanmagyny üpjün etmek.
Elýeterli we arassa energiýa – Hemmeler üçin ygtybarly, gymmat däl, durnukly we döwrebap energiýa çeşmelerine elýeterlilik gazanmak.
Howanyň üýtgemegine garşy göreş – Klimatyň üýtgemegi bilen göreşmek üçin çalt we maksadalaýyk çäreler görmek.
Deňiz ekologiýa ulgamyny goramak – Ummanlary, deňizleri we derýalary gorap saklamak hem-de rejeli peýdalanmak.
Gury ýer ekologiýa ulgamyny goramak – Tokaýlaryň rejeli peýdalanmagyny, çölleşmä garşy göreşmek we biodürlüligiň ýitmegini bes etmek.
