2024-nji ýyldan başlap, her ýylyň 25-nji maýynda dünýäniň ähli ýurtlarynda BMG-niň Baş Assambleýasynyň karary bilen Futboluň Bütindünýä güni bellenilýär. Bu mynasybetli Aşgabatda Türkmenistanyň Futbol federasiýasy we Täjigistanyň ilçihanasy tarapyndan guralan dabaraly çäre geçirildi.
Täjigistanyň Türkmenistandaky ilçisi Wafо Аlibek Niyatbekzoda çykyşynda futbolyň diňe bir sport däldigini, eýsem köp adam üçin durmuş manysyny berýändigini belledi. Onuň sözlerine görä, futbol ynsanlary terbiýeleýär, tertiplilige öwredýär, ýeňşi dogry kabul etmegi hem-de ýeňlişi mynasyp garşy almagy öwredýär.
Dabaranyň resmi böleginden soň, Täjigistan ilçihanasynyň diplomatlary bilen Türkmenistanyň Futbol federasiýasyndaky kurslaryň diňleýjileriniň arasynda dostlukly futbol duşuşygy geçirildi.
Aşgabatda geçirilen bu sport çäresi futboluň jemiýetdäki uly ornuny hem-de halklaryň arasyndaky dostlugy we hyzmatdaşlygy ösdürmekdäki ähmiýetini ýene bir gezek görkezdi.
