Berkarar döwletiň täze eýýamynyň Galkynyşy döwründe Gahryman Arkadagymyzyň sahawatly saýasynda, Arkadagly Serdarymyzyň parasatly ýolbaşçylygynda türkmen halkynyň beýik şahsyýetleriniň, şol sanda söz ussatlarynyň ömri-döredijiligini we edebi mirasyny toplamak, olary ylmy esasda öwrenmek hem-de dünýä ýaýmak babatda uly işler amala aşyrylýar.
Eziz Watanymyzda häzirki günlerde türkmen edebiýatynyň nusgawy şahyry we akyldary Magtymguly Pyragynyň 300 ýyllygyny bellemeginiň çäklerinde ýurdumyzda ençeme görnüşli taýýarlyk işleri giň gerimde alnyp barylýar. Şu waka mynasybetli Ýagşygeldi Kakaýew adyndaky Halkara nebit we gaz uniwersitetinde hem guralýan dabaraly çäreler şygyrlarynda özbaşdak we özygtyýarly döwletiň arzuwyny beýan eden beýik şahyrymyza goýulýan uly sylag-sarpa şaýatlyk edýär.
Ýokary okuw jaýynyň agzybir professor-mugallymlary, şeýle-de bagtyýar talyp ýaşlary bu dabaraly çäräni ildeşlerimizde ýakymly täsir galdyryjy, ýokary derejeli geçirmek maksady bilen köp zähmet çekýärler.
Uly göwrümli medeni çärelerden başga-da, Magtymguly Pyragynyň hormatyna Kopetdagyň eteginde gurlan ajaýyp ýadygärligiň dabaraly açylyşy bolar. Munuň özi, beýik türkmen şahyryň we akyldaryň baý döredijilik mirasyna häzirki nesilleriň çuňňur hormatynyň nyşany bolar.
Şöhrat TÜLEMEDOW
Ýagşygeldi Kakaýew adyndaky
Halkara nebit we gaz uniwersitetiniň uly mugallymy
