11-nji awgustda ýurdumyzyň bilim işgärleriniň etrap, şäher boýunça usuly-amaly okuwlary başlandy. «Halkara parahatçylyk we ynanyşmak ýyly» diýen şygar bilen geçýän bu möhüm çärede geçen okuw ýylynyň jemini jemlemek we täze okuw ýylynda öňde durýan wezipeleri kesgitlemäge aýratyn seredildi.
Bilim işgärleriniň usuly-amaly okuwlarynda Türkmenistanyň Bilim ministrliginiň we Türkmenistanyň Milli bilim institutynyň ýurdumyzyň bilim işgärleri üçin bilelikdäki taýýarlan usuly-amaly okuwlaryna hödürlän temalary esasynda çykyşlar diňlenildi. Temalar boýunça öňdebaryjy bilim işgärleriniň, halypa mugallymlaryň çykyşlary täsirli boldy. Tejribeli mugallymlaryň görkezme esbaplary ulanyp, dürli usullarda guraýan sapaklary öwrenildi. Bular boýunça sowal-jogaplar alşyldy.
Işjeň we ýokary guramaçylykly ýagdaýda dowam edýän bilim işgärleriniň awgust usuly-amaly okuwlary tejribe paýlaşmakda möhüm ähmiýete eýedir..
Züleýha ARAZMEDOWA,
Daşoguz welaýatynyň Boldumsaz etrabynyň 10-njy çagalar bakja-bagynyn terbiýeçisi.
