Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda ýurdumyzyň milli mirasyny wagyz etmek, ony döwrebap derejede ösdürmek babatda giň gerimli işler alnyp barylýar, halkymyzyň geçmiş taryhy aýratyn hormat bilen öwrenilýär.
Milli mirasymyzyň gaýtalanmajak nusgalary muzeýlerde ebedileşdirilýär. Olar milli medeniýetimiziň, sungatymyzyň taryhyndan, Berkarar döwletiň täze eýýamynyň Galkynyşy döwründe gazanylan üstünliklerinden habar berýärler.
Bu ugurda ýurdumyzyň halyçylyk sungatyna uly orun degişlidir. Türkmen halyçylyk sungatyny kämil derejä çykarmak üçin ähli tagallalar edilýär. Türkmen gelin-gyzlarynyň döreden dünýä nusgalyk el işleriniň, halyçylyk sungatynyň häzirki döwürde dowam etdirilmegi möhüm ähmiýete eýedir. Ene-mamalarymyzyň yhlasyndan döräp, sungat derejesinde biziň günlerimize çenli gelip ýeten gadymy halylarymyz häzirki ajaýyp zamanada nesillerimiz üçin taryhy gymmatlyk, halyçylyk sungatynyň bolsa esasy binýady bolup hyzmat edýär. Halylar we haly önümleri toý-baýramlarda guralýan ak öýleriň bezegidir. Bu bolsa milli mirasymyzyň nesilden-nesle geçýän öçmez-ýitmez sungat eseridiginiň aýdyň subutnamasydyr.
Baýrammuhammet BABAÝEW
Ýagşygeldi Kakaýew adyndaky
Halkara nebit we gaz uniwersitetiniň mugallymy
