Güýz pasly tebigatyň iň agras, iň pelsepewi keşbine girýän döwri bolup, onuň berýän ruhy täsiri adamyň kalbyny rahatlandyrýar. Bu paslyň ajaýyp reňkleri, sarydan gyzyl reňklere geçýän ýapraklar, tebigatyň özboluşly sazlaşygy bilen şahyrlar hem güýzi çeper eserlerinde wasp edipdirler. Güýz diňe bir sowuklygyň habarcysy däl, eýsem topragyň berekediniň ýygnalýan, zähmetiň miweleriniň görülen döwrüdür.
Altyn güýzde ýagýan ýagyşlar tebigata başgaça bir nuranalyk çaýýar. Sowuk damjalar sary ýapraklaryň ýüzüni ýuwup, daş-töweregi asuda, ýumşak ýagtylyga büreýär. Güýzde ýagşyň astynda ýöremek, eger güýçli däl bolsa, adamyň ruhy ýagdaýyna oňyn täsir edip, sussupeslikden saplanmaga ýardam berýär.
Bu paslyň gelmegi bilen adamlar ýyly geýimlere geçýärler, baglar bolsa ýapraklaryny saraldyp topraga düşürýärler. Gaçan ýapraklar göýä ene Ýeriň üstüne ýapylan sary öýme ýaly, tebigata aýratyn bir gelşik berýär. Şol pursatlar seniň kalbyňda Watanyň gözelligine bolan buýsanç oýarýar, hyýalyň guş bolup asmana göterilýär.
Parahatlyk we asudalyk bu paslyň ruhy mazmunynyň özenidir. Çünki parahatlyk adamzat ýaşaýşynyň iň gymmatly hazynasydyr. Güýz pasly diňe bir tebigatyň keşbini däl, eýsem adamyň içki dünýäsi bilen sazlaşýan ruhy gözelligi hem özünde jemleýär.
Aýsona HOJALYÝEWA
Halkara ynsanperwer ylymlary we ösüş
uniwersitetiniň talyby
