«Lebapgazçykaryş» müdirliginiň garamagyndaky «Böwrüdeşik» gaz käniniň golaýynda ýerleşýän Hazarly meýdançasynda gazylan täze guýudan kuwwatly gaz akymy alyndy.
Meýdançada «Türkmengeologiýa» döwlet korporasiýasynyň «Marynebitgazgözleg» ekspedisiýasy tarapyndan burawlanan guýudan bir gije-gündizde 120 müň kub metr möçberinde gaz çykarmaga mümkinçilik berýän akym alyndy. Täze gazylan guýy «Hazarly-2» diýlip atlandyryldy hem-de Hazarly meýdançasynda gaz akymy alnan ilkinji guýy hökmünde taryha girdi.
«THE ASHGABAT TIMES».
