Şu durmuşda, göz ýetirdim birzada,
Ejem eken ähli zatdan eý görjek.
Berse-de özgeler öçmejek wada,
Ejem eken, diňe ömürlik söýjek.
Ýykylaýsam uçrap şowsuzlyklara,
Diňe ejem elin berip galdyrjak.
Beýgeläýsem, duşup şowlylyklara,
Ejem eken,çyn begenjin bildirjek.
Ýürege dertlerim sygman ýarylsam,
Ejem eken, gözleriňden aňlajak.
wagty gelip, gara guma garylsam,
Ýene ejem asla diňmän aglajak.
Awtor: Jennet MEREDOWA
