Terbiýeçiniň dili edebi dilde çagalara düşnükli, çagalaryň ünsüni özüne çekiji ýakymly äheňde bolmalydyr. Terbiýeçi islendik tebigy zatlar barada gürrüň berende sözi bilen düşündirişi gabat gelmelidir. Terbiýeçi gürrüňi gysga manyly, çaga-lara tanyş sözler bilen baýlaşdyrmagy, sapagy oýun görnüşinde geç-megi başarmalydyr.
Kiçi topara garanyňda orta, uly we mekdebe taýýarlaýyş topar-larynda terbiýeçiniň gürrüňi uly orun tutýar. Terbiýeçi öz gürrüňini görkezme esbaplar ýa-da kinofilmler görkezmek bilen düşündirse sa-pak has gyzykly geçer. Terbiýeçi çagalaryň gezelençde gören zatlary barada ýatladyp öz gürrüňini manyly, düşnükli gurap biler.
Terbiýeçi-niň gyzykly gürrüň esasynda çagalary sapaga gyzyklandyrmagy mag-lumatlary öwretmegiň esasy özenidir. Terbiýeçi gürrüň berende çagalar bilen sorag-jogap alyşýar. Uly we mekdebe taýýarlaýyş toparda çagalar özbaşdak mazmun-ly şekil barada gürrüň berýärler. Çagalara berilýän sorag çagalaryň ýaş aýratynlygyna, bilim derejesine bagly bolmalydyr. Sorag çaga-lara düşnükli, jogabyny tapmaga kömek edýän bolmalydyr. Gürrüň bermek usulyna «Sokratçylyk» usuly hem diýilýär. Terbiýeçiniň gürrüňi hemme toparda ulanylýar. Çagalara tebigat düşünjesini ber-mekde gürrüňdeşlik ýa-da söhbetdeşlik usulynyň ähmiýeti uludyr. Gürrüňdeşlik ýa-da söhbetdeşlik terbiýeçiniň hem-de çaganyň gatnaşmagynda geçirilýär.
Guwanç JUMANAZAROW
Türkmen döwlet binagärlik – gurluşyk
institutynyñ talyby
