Meýdanda ýeke-täk guýyda geçirilen geofiziki işleriň netijesi, şol guýynyň doly geologiýa ýada geolog – geofiziki kesigini düzmekde esasy maglumatlaryň biri bolup durýar.
Her bir guýynyň geolog-geofiziki kesigi düzülende, onda çözülýän esasy mesele, burawyň dowamynda guýyda geçilen kesigiň dag jynslaryny olaryň fiziki alamatlary boýunça aýry-aýry gatlaklara bölmek we ol gatlaklaryň ýaşyny kesgitlemek.
Uly regional meýdanlara ýaýramaýan gatlaklary özbaşyna böleklere bölende olary belgilemek üçün bütündünýä belgileri bilen aňlatmak hökmany däl, iň gowusy rim sanlary bilen ýa-da elipbiýi bilen san gatyşdyryp hemde şol welaýata degişli nebitgazly meýdanlaryň ady bilen belleseň bolýar.
Şu suradyň üsti bilen bir guýyda geçirilen kesigi gatlaklara bölmek üçün mysal getreýliň. Gatlagyň aşak (1123 m. aşak) bölegi T-4 paçka görnüşinde bölünýär. Ol uly garşylygy, uly döredilýän radioaktiw derejesi hemde kiçi (minimum) tebigy radioaktiwligi we polerizasiýasy bilen häsýetlendirilýär. Bu paçka hek daş gatlagyndan durýar.
Ondan ýokarda gelýän T-5 (1096-1123m.) paçkanyň jynslary garşylygyň, döredilýän radioaktiwligiň aşak derejesi, hem-de tebigy polerizasiýanyň we radioaktiwligiň ýokary derejesi bilen tapawutlanýar. Bu paçka toýunly hek daşyndan düzülendir, onda üç gatlak özboluşly bölünýär, olar hem öz gezeginde her haýsy KS-iň we NGK –nyň diagrammalarynyň tapawatlandyryşyna görä üç sany kiçiräk gatlaklara bölünýär. Bu kiçi gatlaklar goňşy meýdandada örän oňat görünýär.
Ondan ýokarda T-6 (1085-1096m.) aşaky gatlaga garanyňda bir näçe ýokary garşylykly toýunly hek daşy ýerleşendir.Bu paçka bir näçe ownuk gatlaklardan düzülendir, onuň eteki böleginde PS-iň uly bolmadyk minumy görkezilýär.
T-7 nji paçka 1066-1085 aralykda KS-iň we döredilen radioaktiwligiň ýokary derejesi bilen, hem-de tebigy polerizasiýanyň we radioaktiwligiň aşakdaky gatlaga garanda birden aşak gaçmagy bilen örän oňat tapawutlanýar. T-7 nji paçka iki sany gatlaga bölünýär T-7a we T-7b.
Orazmyrat TOÝLYÝEW
Ýagşygeldi Kakaýew adyndaky
Halkara nebit we gaz uniwersitetiniň mugallymy
