Diňe 2 göz bilen däl-de, bir göz bilen hem kabul edilýän giňişlik alamatlaryna monokulýar alamatlar diýilýär. Monokulýar alamatlaryň köpüsi statiki häsiýete eýedirler, ýagny, syn ediji we onuň görüş meýdanynda ýerleşýän obýekt hereketsiz bolmalydyr. Ýöne käbir alamatlar hereket bolanda ýa-da gözüň hereketiniň häsiýeti üýtgände döreýär. Hereketsiz sahnalary, suratlary, şeýle hem sungat döredijiligiň kabul edilişi statiki monokulýar alamatlara esaslanýar. Olara piktoral alamatlar diýilýär. Şeýle alamatlara döredijilik serişdeleriň kömegi bilen çuňluk we daşlyk berilýär, mahsus edilýär.
Interpozisiýa – bir obýektiň beýleki obýekt bilen doly däl ýapylmagy. Eger-de bir obýekt beýleki bilen bölekleýin ýapylsa, bütinleý görünýän obýekt has ýakyn görünýär. Interpozisiýa tanyş predmetleriň otnositel daşlygy barada köp maglumat berýär. Statiki piktoral alamat hökmünde ol örän täsirli, ýöne onuň kömegi bilen çuňlugy bahalandyryp bolmaýar.
Altyn BEGMYRADOWA
Seýitnazar Seýdi adyndaky
Türkmen döwlet mugallymçylyk
institutynyň talyby
