«Lebapbalyk» hojalyk jemgyýeti häzirki wagtda Lebap welaýatynyň Darganata etrabynyň «Düýeboýun» we Kerki etrabynyň “Garaşsyzlygyň 15 ýyllygy” suw howdanlarynda balyk tutmak işini alyp barýar.
«Jeyhun.news» web-saýtynyň habar berşi ýaly, hojalyk jemgyýetinde 165 sany balykçy işleýär. Olar şu ýylyň başyndan bäri 950 müň manada golaý 300 tonnadan gowrak balyk tutdular. Bu görkeziji geçen ýylyň degişli döwri bilen deňeşdirilende ep-esli ýokarydyr.
Bellenilişi ýaly, tutulan balyklar alyjylara üznüksiz iberilýär. Hojalyk jemgyýetiniň işinde Ýaponiýanyň, Hytaýyň we Russiýanyň önümçiliginiň häzirki zaman gaýyklary we beýleki enjamlary ulanylýar.
