Bu gün meniň durmuşymda iň täsin we ýatdan çykmajak günleriň biri. Men, Sähra Güýçmyradowa, Magtymguly adyndaky Türkmen Döwlet Uniwersitetiniň birinji ýyl talyby hökmünde şu beýik okuw ojagynyň agzasy bolmak bagtyna eýe boldum. Bu ajaýyp pursat, meniň üçin diňe bir bilim almak ýolundaky täze başlangyç bolman, eýsem, ata Watanyma we mähriban halkyma mynasyp hyzmat etmek baradaky beýik arzuwlarymyň hem başlangyjydyr.
Türkmen halkynyň beýik şahyry Magtymguly Pyragynyň adyny göterýän bu mertebeli uniwersitetde bilim almak, meniň üçin beýik mertebedir. Bu ýerde öwrenjek her bir sapagym, aljak her bir sapagym, geljekde halkymyzyň ykbalyna täsir edip biljek ylymly-bilimli nesliň kemala gelmeginde meniň hem paýymy goşmak arzuwynyň bir bölegidir.
Bu günki bagtyýar durmuşyň hözirini görüp, bilim almagyň giň mümkinçiliklerinden peýdalanýarys. Bu ajaýyp şertler, biziň başymyzyň täji bolan Gahryman Arkadagymyzyň we Arkadagly Serdarymyzyň taýsyz tagallalarynyň miwesidir. Olar bize diňe bir bilim almak üçin mümkinçilik döretmän, eýsem, Watanymyza wepaly, zähmetsöýer, ylymly-bilimli nesil bolup ýetişmek üçin ähli şertleri hem üpjün etdiler. Şu günki bagtymyz üçin olara tüýs ýürekden minnetdarlyk bildirýärin.
Eziz talyp ýoldaşlar! Magtymguly adyndaky Türkmen Döwlet Uniwersiteti, biziň üçin ylmyň, bilimiň, medeniýetiň we Watansöýüjiligiň mukaddes mekdebidir. Bu beýik okuw jaýynda aljak bilimimiz, geljekde türkmen halkynyň beýik geljegine hyzmat etmek üçin iň uly baýlygymyz bolar. Men şu kämil mekdebiň talyby hökmünde, aljak bilimimi Watanymyzyň abadanlygyny üpjün etmek, onuň şöhratyny dünýä tanatmak üçin ähli güýjüm bilen ulanmaga söz berýärin.
Goý, her birimiz bu beýik ýolumyzda üstünlikleri gazanyp, Watanymyzy dünýä tanatmakda, halkymyza mynasyp hyzmat etmekde birleşeliň!
Sähra GÜÝÇMYRADOWA,
Magtymguly adyndaky Türkmen Döwlet
Uniwersitetiniň talyby
