Bu serişdeler milli howpsuzlygy berkitmek we içerki mikroçip önümçiligini ösdürmek üçin CHIPS Kanunynyň çäklerinde bölünip berildi.
Emma şertnama şertleri kompaniýanyň önümçilik bölümi bolan Intel Foundry-de paýlaryň satylmagyny çäklendirýär.
Eger-de Intel Foundry-ni aýratyn kompaniýa hökmünde bölmek kararyna gelse, ol kontrollyk paýyny – azyndan 50,1% – saklamaga borçlydyr.
Şeýle hem, Foundry paýnamalaryny köpçülige hödürlän ýagdaýynda, Intel ABŞ-nyň Söwda ministrligi bilen ylalaşmazdan bir maýa goýujy üçin paýnamalaryň 35%-den gowragyny satyp bilmez.
Bu çäreler daşary ýurt kompaniýalarynyň täsiriniň öňüni almak we strategiki taýdan möhüm sektory goramak üçin niýetlenendir.
Şertnama, global bäsdeşlik we geosyýasy durnuksyzlyk fonunda, ABŞ-nyň ýarymgeçiriji önümçiliginde garaşsyzlygy berkitmek baradaky uzak möhletleýin niýetlerini görkezýär.
