Gazagystan ulag-kommunikasiýa ulgamynda ikitaraplaýyn hyzmatdaşlygy pugtalandyrmak çäklerinde Türkmenistan bilen serhetde gözegçilik-geçiriş nokatlaryny döwrebaplaşdyrýar.
Gazagystan tarapynyň serhet geçelgelerinde geçiriş ukybyny alty esse ýa-da günde 170-den 960 awtomobile çenli artdyrmagy meýilleşdirýär. Döwrebaplaşdyrma serhetden geçiş wagtyny 30 minutdan azaldar.
Mundan başga-da, Türkmenistan-Gazagystan serhedindäki geçelgeleriň işini gowulandyrmak maksatnamasy awtomatlaşdyrylan elektron nobat ulgamyny ornaşdyrmagy göz öňünde tutýar. Bu, serhet geçelgelerinde we iki goňşy respublikany baglanyşdyrýan ýollaryň ugrunda ulaglaryň üýşmeginiň öňüni almaga kömek eder.
