Şäherden oba ýerlere barlanda, diňe bir beýik jaýlaryň ýoklugy däl, eýsem, jaýlaryň konstruktiw gurluş aýratynlygy hem derrew göze ilýär. Hususan-da ýurdumyzyň günorta böleginde kerpiçden bina edilen jaýlar juda köpdür. Bu görnüşli jaýlaryň käbir aýratynlyklary barada durup geçeliň.
Kerpiç jaýlaryň artykmaçlyklary:
• Çydamlylyk. Ähli düzgünlere laýyklykda gurlan kerpiç jaýlary onlarça ýyllap abatlaýyş işlerini talap etmeýär;
• Uzak hyzmat ömri. Kerpiç binalar asyrlar boýy dowam edip biler;
• Daşarky şertleriň ýaramaz täsirlerine immunitet. Şeýle görnüşli binalar ýagyşdan, gar ýagmakdan, pes temperaturadan ýa-da güýçli şemaldan gorkmaýar;
• Ajaýyp ses izolýasiýasy. Jaý asuda, köçeden hiç bir ses diwarlardan içe aralaşmaýar, bu jaýlaryň eýeleri üçin asuda we rahat ýaşamak üçin aýratyn möhümdir;
•Daşky gurşaw taýdan arassa. Gurluşyk materialy tebigy çig maldan – palçykdan, suwdan, gumdan ýasalýar. Şonuň üçin bu adamlar we daşky gurşaw üçin doly howpsuz;
• Ýangyn howpsuzlygy. Kerpiç oda çydamly material bolup, bu häsiýet ony aýratyn jaý almak isleýänleriň köpüsiniň gözüne özüne çekiji gurluşyk materialyna öwürýär;
• Kerpiç diwarlarda heň we kömelek ösmäge ukyply däldir. Gemrijilerden ýa-da patogen bakteriýalardan gorkmaýarlar;
• Amatly atmosfera. Diwarlarynyň dem alýandygy sebäpli amatly mikroklimat hemişe jaýyň içinde saklanýar. Kerpiç jaýlar ýylyň islendik wagtynda amatly. Gyşda ýyly, tomusda salkyn;
• Gurmak aňsat. Kerpiç ýasamak tehnologiýasyny öwrenmek aňsat. Şonuň üçin isleseňiz, öýde özüňiz gutuda kerpiç gurup bilersiňiz;
• Estetika. Asyl şekilli jaýlary gurmak, diwarlara çyzgylar goýmak we binany bezemek üçin özboluşly binagärlik elementlerini döretmek üçin kerpiçden peýdalanyp bilersiňiz.
Rustam PUHANOW
Türkmen döwlet
binagärlik-gurluşyk
institutynyñ talyby
