Umumy döwlet derejesinde çözülýän bank we maliýe meseleleri özara bagly bolan bank ulgamynyň dürli derejelerinde çalt çözülmelidir. Şonuň üçin her bir bank edarasynyň bölümlerinde awto matlaşdyrylan iş ýerleri olardaky programma üpjünçilikleri çözül ýän bank meselelerini we ulanyjynyň talaplaryny doly ödemelidir. Şonuň üçin kompýuteriň operasion ulgamynda dolandyrylýan birnäçe ýöriteleşdirilen programma serişdeleri bar.
Pudaklaýyn dolandyryş meseleleri çözmek üçin buhgalter pro-grammalary we ulgamlary giňden ulanylýar. Olaryň arasynda «1C» buhgalteriýa, «Инфо‑Бухгалтер», Logo, «Главный Бухгалтер» we ş.m. programmalary görkezmek bolar
Häzirki wagtda dünýä bazarynda buhgalter we maliýe programma üpjünçiligi ýokary depginde ösýär. Mysal üçin, Russiýada buhgalter we audit üçin programma üpjünçiliginiň häzirki zaman bazarynyň ýagdaýynyň intensiw ösýändigini häsiýetlendirmek bolar. Bildirilýän isleglere laýyklykda sarp edijileriň toparlary boýunça programma üpjünçiliginiň ýöriteleşmegi kesgitlenildi.Funksional ugurlary boýunça ulgamlary şu aşakdakylara gönükdirilendigini bellemek bolar:– adaty jemleýji buhgalter hasabyna;– operatiw-hojalyk hasabyna;– dolandyryş hasabyna we maliýe-ykdysady seljerişe.Indi bolsa buhgalteriýada ulanylýan programmalara häsiýetnama bereliň.«Paritet Soft» firmasy tarapyndan işläp düzülen «Baş buhgalter» programmasy eýeçiligiň dürli görnüşli kärhanalarynda, şol sanda býujet edaralarynda buhgalter hasabyny alyp barmagyň tertibini kesgitleýän normatiw resminamalara laýykdyr.
Bu ulgam baş hasapçylara, hasapçylara , dürli bilim derejeli we tejribeli ykdysatçylara gönükdirilendir. Ony giň profilli hasapçylary taýýarlamak üçin öwrediji programma hökmünde ulanmak bolar.Ulgam gepleşik düzgüninde işleýär, maliýe-hojalyk amallaryň pro-wodkasyny çalt we ýokary hilli düzmäge, olary düzetmäge, seljermäge we olar boýunça hasaplaşyklary geçirmäge ulanyja mümkinçilik berýär. «Baş buhgalter» ulgamda memorial-ordere golaý bolan hasabyň formasy amala aşyrylan. Ulgamda ulanylýan hasap formasy hasapçylara zerur bolan ähli maglumatlary özünde saklaýar.Ulgam bäş sany esasy bölümlerden ybarat: resminamalar, prowodkalar, hasaplaşyklar, serwis, çykyş.
Ýagmyrberdi HALLYÝEW
Türkmenistanyň Telekommunikasiýalar we
Informatika institutyň öwreniji-mugallymy
