“Nazary mehanika” dersi boýunça III Açyk halkara internet olimpiadasy

BILDIRIŞ

Türkmenistanyň Döwlet energetika instituty 2024-nji ýylyň maý aýynyň 6-dan maý aýynyň 11-i aralygynda Türkmenistanyň we daşary ýurtlaryň ýokary okuw mekdepleriniň talyplarynyň arasynda “Nazary mehanika” dersi boýunça III Açyk halkara internet olimpiadasyny geçirýär we ähli isleg bildirýän talyplary bu bäsleşige gatnaşmaga çagyrýar.

III Açyk halkara internet olimpiadasy şahsy we toparlaýyn bäsleşikler görnüşinde geçirilýär.

III Açyk halkara internet olimpiadasynyň resmi iş dilleri – türkmen, rus we iňlis dilleri.

Bäsleşige islendik hünärde we islendik ýylda okaýan talyplar gatnaşyp bilerler..

Olimpiadanyň şahsy bäsleşiginde her ýokary okuw mekdebinden sany 20-den (ýigrimiden) köp bolmadyk talyp, toparlaýyn görnüşine düzümi 5 (bäş) talypdan köp bolmadyk 1 (bir) ýa-da 2 (iki) topar gatnaşyp biler. Birnäçe ýokary okuw mekdepleriniň birleşmeginden hem bir ýygyndy topar düzülip bilner. Toparlaýyn hem-de şahsy bäsleşikleriň ýumuşlary bäsleşikleriň geçirilýän güni institutyň https:tdei.edu.tm/baslesik/ web sahypasynyň ýörite bölümine goýular.

Bäsleşigiň geçiriliş tertibi:

– şahsy bäsleşige gatnaşyjylar 8 (sekiz) sany mesele çözerler (şol sanda, “Nazary mehanika” dersiniň “Statika” bölümine degişli 2 (iki) sany mesele, “Kinematika” bölümine degişli 2 (iki) sany mesele we “Dinamika” bölümine degişli 4 (dört) sany mesele). Meseleleri çözmäge beriljek wagt – 240 minut;

– toparlaýyn bäsleşige gatnaşyjylar “Nazary mehanika” dersiniň dürli bölümlerine degişli 5 (bäş) sany mesele çözerler. Meseleleri çözmäge beriljek wagt

– 60 minut;

– bäsleşigiň gidişine Google Meet programma üpjünçiligi arkaly gözegçilik ediler.

Bäsleşigiň ýeňijileri şahsy we toparlaýyn görnüşde hasaba alnyp, meseleleriň dogry ýerine ýetiriliş derejesine baglylykda toplanan ballaryň jemi boýunça kesgitleniler.

Dogry çözülen ýumuşlaryň göterim gatnaşygy esasynda bäsleşigiň ýeňijileriniň sany kesgitleniler, ýagny hödürlenen ýumuşlaryň 50%-den köp bölegini dogry çözmegi başaranlar I derejeli, 30%-den – 50%-e çenli dogry çözmegi başaranlar II derejeli we 15%-den – 30%-e çenli dogry çözmegi başaranlar III derejeli diplomlar bilen sylaglanar.

“Nazary mehanika” dersi boýunça III Açyk halkara internet olimpiadasyna gatnaşmaga isleg bildirýän ýokary okuw mekdepleriniň talyplary we olaryň ýolbaşçy mugallymlary baradaky maglumatlary hasaba almaklyk institutyň https:tdei.edu.tm/baslesik/ web sahypasynda 2024-nji ýylyň aprel aýynyň 25-ine çenli dowam edеr.

Habarlaşmak üçin:

Tel.: +800 522 5-75-02, +993 64 681023, +993 64 207444

e-mail: tdei@tdei.edu.tm, energetikatdei@gmail.сom tdei.mechanic@gmail.com

Individual registration

Team registration

“Nazary mehanika” dersi boýunça III Açyk halkara internet olimpiadasynyň rejesi (Aşgabat wagty bilen)

06.05.2024 ý.

10:00 – Internet olimpiadasynyň açylyşy.

11:00 – Şahsy bäsleşik.

15:00–15:30 – Meseleleriň çözüwlerini (dört sahypany bir liste ýerleşdirip) gyssagly ugratmak.

15:45–17:45 – Meseleleriň çözüwlerini ýokary hilli suratda ugratmak.

18:30 – Meseleleriň çözüwleri bilen tanyşdyrmak.

07.05.2024 ý.

11:00 – Toparlaýyn bäsleşik.

12:00–12:30 – Meseleleriň çözüwlerin ugratmak.

15:00 – Toparlaýyn bäsleşigiň netijelerini yglan etmek.

08.05.2024ý. – 10.05.2024 ý.

– Şahsy bäsleşigiň meseleleriniň çözüwlerini barlamak.

– Şahsy bäsleşigiň deslapky netijelerini yglan etmek.

11.05.2024 ý.

10:00 – Şahsy bäsleşigiň ahyrky netijelerini yglan etmek.

11:00 – Ýeňijileri yglan etmek we sylaglamak.

12:00 – Internet olimpiadasynyň ýapylyşy.

Habarlaşmak üçin: tel: +800 522 5-75-02, +99364681023, +99364207444

e-mail: tdei@tdei.edu.tm, energetikatdei@gmail.com, tdei.mechanic@gmail.com

Düzgünnama

Türkmenistanyň Döwlet energetika instituty