Türkmen türgenleri Sambony esaslandyryjylaryň Kubogynyň 4 medalyny gazandylar

Sambony esaslandyryjylaryň Kubogynyň sportuň şu görnüşini döredijiler hasaplanýan Anatoliý Harlampiýewiň, Wasiliý Oşşepkowyň hem-de Wiktor Spiridinowyň ýagty ýadygärligine bagyşlanyp guralýandygyny bellemelidiris.
Ýaryş 1980-nji ýylda sambony esaslandyryjylaryň biri hasaplanýan Anatoliý Harlampiýewiň ömrüniň soňky ýyllarynda işlän ýeri bolan Moskwanyň energetika institutynyň bedenterbiýe kafedrasynyň başlangyjy bilen döredildi.
22-nji martda Moskwanyň halkara sambo merkezinde her ýyllyk asylly däbe öwrülen ýaryş — Sambony esaslandyryjylaryň Kubogy badalga aldy.
Ýaryşa 13 döwletden 250-den gowrak türgeniň gatanaşandygyny bellemek gerek. Bu ýerde Türkmenistandan, Belarusdan, Azerbaýjandan, Ermenistandan, Germaniýadan, Gazagystandan, Gyrgyzystandan, Hytaýdan, Mongoliýadan, Täjigistandan, Özbegistandan, Koreýa Respublikasyndan hem-de ýaryşyň ýer eýesi bolan Russiýa Federasiýasyndan iň güýçli türgenler düşekçä çykdylar.
Samboçylar medallar toplumynyň 21-si (erkekleriň arasynda 7, zenanlaryň arasynda 7 hem-de söweş sambosyndan 7 agramda) ugrunda ýiti göreşe girdiler.
Birinji ýaryş gününde türkmen türgenleri sport sambosyndan dört medal gazanmagy başardylar. Şolaryň biri altyn, ikisi kümüş, ýene biri bolsa bürünç medallardyr.
Jemal Awlýakulyýewa 65 kg çenli agram derejesinde altyn medal gazandy. Kümüş medallara bolsa Nyýazmyrat Babekow (64 kg) hem-de Nedir Allaberdiýew (79 kg) eýe çykdy. Saodat Işmuradow 80 kilograma çenli agram derejede hormat münberiniň üçünji basgançagynda ornaşdy.