Ýurdumyza ýetip gelen “Halkara zenanlar güni” mynasybetli zenanlara Hormatly Prezidentimiziň adyndan pul sowgatlary gowşuryldy

Baýramçylyk çäreleriniň ýokary ruhubelentlige beslenmegi Watanymyzda bagtyýarlygyň höküm sürýänligini görkezdi. Ýurdumyzda zenanlara uly hormat goýulýar. Olaryň işlemegi, döretmegi üçin ähli mümkinçilikler döredilýär. Häzirki wagtda döwletiň durmuşyndaky we işindäki bu wajyp ähmiýetli ugurda ajaýyp üstünliklere eýe bolunýar. Bagtyýar durmuş üçin Hormatly Prezidentimize aýdylan alkyşlar, ýaňlanan aýdymlar hoşallygyň senasyna öwrüldi. Mälim bolşy ýaly, Berkarar döwletiň täze eýýamynyň galkynyşy döwründe ýurdumyzyň gülläp ösmeginde we özgertmeleri amala aşyrmakda zenanlarymyzyň bitirýän uly hyzmatlaryny, watanymyza wepaly, sagdyn we ruhubelent nesilleri terbiýeläp ýetişdirýändiklerini nazara alyp, şeýle-de ata-babalarymyzyň mähriban enelerimize we eziz uýalarymyza hormat goýmakda asylly däplerini dowam etmek maksady bilen, hem-de “Halkara zenanlar güni” mynasybetli Hormatly Prezidentimiz degişli resminama gol çekdi. Şunuň bilen baglylykda eýeçiliginiň görnüşine garamazdan, ähli kärhanalarda, edaralarda we guramalarda işleýän aýal-gyzlara, pensiýa we döwlet kömek pulyny alýan aýal-gyzlara, önümçilikden aýrylmak şerti bilen aspiranturada, doktoranturada we kliniki ordinaturada işleýän aýal-gyzlara, Türkmenistanyň Prezidentiniň ýanyndaky döwlet gullugy akademiýasynyň iki okuw ýylyndan az bolmadyk möhletli okuwlarynyň diňleýji aýal-gyzlaryna, talyp gelin gyzlara, orta mekdeplerde okaýan we mekdebe çenli çagalar edaralarynda terbiýelenýän gyzlara Türkmenistanyň Prezidentiniň adyndan “Halkara zenanlar güni” mynasybetli 60 manat möçberde pul sowgatlaryny her ýyl “Halkara zenanlar gününiň” öňüsyrasynda dabaraly ýagdaýda gowşurmak bellenildi.